ده اول مشاركه ليه فى المنتدى ده .. انا اصلا JAVAEE بقالى 10 سنين فى البرمجه بيعد كل البعد عن تطوير الالعاب (بلعب بس) فكرة تطوير الالعاب قديمه عندى ولكن كنت بقف كل مره بسبب الجرافيكس او قلة الخبره لحد منسيت خالص ومره واحده اكتشفت ان ممكن اجرب تانى واشوف هقدر اعمل

الفكره فى تحويل شخصية رفعت اسماعيل للعبه Adventure - Puzzle وطبعا انا بحب 3D وبدأت الموضوع وكان معايا مصمم جرافيك تحمس للفكره وده اللى احنا وصلناله بعد 6 شهور تقريبا طبعا بنشتغل فى وقت فراغنا الصغير اللى حصل ان بدأت الموضوع ده من باب الفضول بس وصلت لنتايج فى وقت قصير (6 شهور بس تقريبا اللى اشتغلته ميكملش شهر :) )

الموضوع شجعنى انى احاول اكبر الفكره لا
اللعبه اتصممت على انها 3rd person camera عرفت بعد كده ان ده من اصعب الكاميرات :) فى تطوير الالعاب  والتحركات بالكامل داخل كهف ضيق مع وجود NPC none playable character
عرفت بعد كده ان ده برده من اصعب المواضيع ولعب كبيره مبتعرفش تتجنب اخطاء صغيره زى overlap بين اللاعب بس ما علينا :) هكمل برده على كده :)
لو حد مهتم وعايز يشارك بوقت صغير فى البرمجه  واكيد تكون عجباه فكرة اللعبه
محرك الالعاب المستخدم : JmonkeyEngine  انا جربت استعمل Unity3d هو ممتاز اكيد بس انا مستريحتش معاه ممكن علشان متعود اشوف كل حاجه كود
الجرافيكس : Blender, makehuman , Gimp
الكود موجود على subversion خاص بالكامل كنت مستعمل bitbucket بس لما حجم كبر منفعش اكمل عليه علشان كان حدودي 2 جيجا

ده صورة الشخصيه الرئيسيه ,وده من جوه scene composer لمحرك الالعاب


وكمان صوره اثناء تركيب الحركه MOCAP



الفيديو ده اخر فيديو معمول بتاريخ نشر البوست ده فى طبعا تفاصيل فى اللوكاشن مش كامله بس ممكن يبقى ضلمه شويه

مدهش 😄

أنا شخصياً من عشاق قصص ماوراء الطبيعة وسعدت جداً عند رؤية شخصية رفعت إسماعيل ثلاثية الأبعاد. الفيديو أيضاً يدعو للتفائل. واضح أنك قطعت أشواط كبيرة في تطوير اللعبة.
أتمنى لك التوفيق في استكمال المشروع وأتمنى أن تبقينا على علم بآخر التطورات العمل في اللعبة.

بالتوفيق مرة ثانية.

جزاك الله خير علي تشجيعك :)
فعلا التطوير مر بمراحل كتير  لانها اول تجربه للتطوير لعبه  فكانت بين تعليم والتطوير  وانا مطور واحد ومعايا مصمم جرافيك غير متفرغ 


حاليا في معانا 2 للاختبار ومصمم جرافيك تاني 


ان شاء الله ان خطتي ان انهي 3 مراحل اساسيه 
ك green light 


وهحاول بعد كده اشوف داعم ليها لان المستوي اللي عايز اوصله لازم يبقي جدير بالشخصيه وبحجمها ومعتقدتش ان اقدر اوصله من غير تفرغ وفريف كامل

مشروع جذاب وأنا سأكون من أول الزبائن 😍


بالمناسبة، أذكر أن المؤلف الدكتور أحمد حاول بالفعل بناء اللعبة بنفسه باعتبار أن لديه نزعة لبرمجة الألعاب هو أيضاً، لكنه لم يستمر لسبب ما. إن نجحت في تنفيذ اللعبة فسيصاب المؤلف بالغيرة 😄


بالتوفيق في جهودك واستمر في إرسال التحديثات هنا.

ما اعرفه ان فى محاولتين سابقتين فعلا ... ولكن او مره فعلا اعرف ان دكتور احمد خالد توفيق كان مشارك فى اى منهما :)

ولكن اعتقد انه شىء ايجابى اهتمام الكاتب بفكرة ان تحويل الشخصيه للعبة فيديو .

التحديثات ان شاء الله ابعتها اول باول وان شاء الله قريبا ممكن ابعت اول ديمو للتجربه للوكاشن واحد من 3 المخططين للديمو ولكن  بعد ما الشباب اللى شغالين معانا فى الاختبارات يقولوا ان واصله لمستوى مقبول

انا هسرد هنا مقاطع فيديو للعبه وهى فى مرحلة التطوير ... احيانا بيبقى حلو ان الواحد يشوف اللعب فى مرحلة التطوير شكلها ايه :)

اول فيديو ده كان Demo للكاميرا 3rd person بعد ما اتعملت على انها Physics Aware يعنى بتحس بحيز التصادم وتعمل زووم على اللاعب بطريقه اليه طبعا دلوقتى حيز التصادم اتظبط لتجنب الكسر الحادث فى بعض الزوايا






الفيديو التانى كان التفاعل بين اللاعب الرئيسى و none playable character 




الفيديو التالت ده ديمو لفكرة تحريك ذراع اللاعب الحامل للكشاف مع حركة الكاميرا  مع عمل clamping عند تخطى زاويه ,وهنا كان فى الكهف من غير اكساء وكان ب normal map عشوائيه استخدمتها لاسباب تقنيه 



وده بعد 6 شهور من التطوير وتحسين الجرافيكس  واضافة صوت الخطوات و HUD و subtitle  ومراجعة الاضاءه لاستخدام Gamma correction

شكرا على مقاطع الفيديو والشرح عنها 👍 أتمنى من كل المقبلين على هذا المجال ملاحظة كم التفاصيل التقنية المطلوب معالجتها للوصول لمستوى مقبول لدى اللاعبين.حتى مع محركات الألعاب المبسطة مثل اليونيتي وغيره، تطوير لعبة مهما كانت بسيطة بحاجة لجهد كبير.
يعطيك العافية على كل هذا الجهد وبانتظار رؤية المزيد 😉

كما وعدت بنشر اخر التطورات :)

حصل ما يأتى :) تقريبا خلصت المرحله الاولى وبدأت فى مرحلة
Polishing
والصراحه محستش باللعبه ومحستش انها هتبقى كويسه
مبدأيا
1 - قدرات المحرك المستعمل JMonkey ممتازه بلاشك ولكن يفتقر لادوات جاهزه تخلى اللعبه مبهره  فهحتاج اكتب شيدرز بنفسى وانا قدرتى الفنيه مش بالقوه اللازمه
2 - بعض مشاكل فى Navigation لل NPC كان ليها حل طبعا باستعمل Navmesh لمحرك تانى
3 - حسيت ان رتمها بطىء ورغم اتساع اللوكاشن محستش ان عرفت استغله كويس علشان اوصل لفكرة التشويق المناسبه لديمو
فبالتالى بدأت افكر فى اعادة تصميم اسلوب اللعب وبدأت انقل الشغل كله على محرك العاب
Unreal وده صوره مبدأيه  اعتقد ان فى تحسن واضح لكل حاجه وتمت اضافة اللاعب الرئيسى و
NPC


واستغليت بعض المكونات الجاهزه من مكتبة انريل الرسميه
طبعا بعيد التفكير فى اسلوب اللعب

تغيير المحرك قرار كبير وخصوصًا في مراحل متقدمة من المشروع. وأنا مندهش من قدرتك على تحويل كود اللعبة وجميع مواردها من محرك الجافا للأنريل. هذا بحد ذاته إنجاز كبير.
بالنسبة للتصميم المراحل وبناء الكهوف، وجدت هذه المقالة التي تشرح أحد الطرق الفعالة لبناء المراحل والكهوف في لعبة سكاي ريم.
http://blog.joelburgess.com/2013/04/skyrims-modular-level-design-gdc-2013.html?m=1

أتمنى أن تجد فيها الفائدة 😀

كما اوضحت سابقا انا الهدف هو عمل ديمو جذاب
انا بقالى 10 سنين فى البرمجه بصفه عامه وداخل مجال الالعاب كهوايه من اقل من سنه فالحمد لله مفيش خساره ماديه :) وبرده خبرتى محدوده جدا

النقل  asset مكنش صعب كل الشغل كان على بلندر فبالتالى تم نقل mesh وال skeleton بصيغة fbx بسهوله وتعديل  بعض materials علشان تبقى شكلها متناسب مع المحرك الجديد
والصراحه الناتج من unreal واضح الفرق حتى فى بعض material مغيرتش فيها قدرة Unreal كانت عاليه قوى حتى اعلى من Unity
انا جربت على Unity كمان :) :)

بالنسبه للكود لحد دلوقتى منقلتش الكود غير الكود الاساسى لحركة اللاعب وهىstandard 3rd person  و NPC للتتبع اللاعب وفى الغالب اعتمدت على
Unreal blue prints

وده الصراحه وفرت وقت كتير قوى :)

الفكره فعلا ان بفكر اعيد صياغة اسلوب اللعب كله فبالتالى الاعاده هلجألها كده كده  حتى لو كنت هكمل على على نفس المحرك



المقاله اللى بعتهالى مفيده فعلا انا بقرا فى مقالات level desing بقالى فتره بس ده افضل واحده فعلا واقرب للى انا بفكر فيه